VIETNAM-Wislawa Szymborska, Nobel 1996

 

Si quhesh ti grua?
– Nuk e di.
Ku dhe kur ke lindur?
– Nuk e di.
Përse e ke hapur këtë gropë?
– Nuk e di.
Për sa kohë ke ndenjur e fshehur?
– Nuk e di.
Përse e kafshove dorën që të zgjata?
– Nuk e di.
E di që kemi ardhur të të ndihmojmë?
– Nuk e di.
Me cilën palë je?
– Nuk e di.
Në luftë duhet të jesh o me njërën palë o me tjetrën.
– Nuk e di.
Po fshati yt a ekziston akoma?
– Nuk e di.
Fëmijët e tu janë këta?
– Të mitë.

 

Përktheu: Alket Çani