KËNGË DASHURIE E VAJZËS SË ÇMENDUR-SYLVIA PLATH

in Letërsi/Përkthim/Tharm by

KËNGË DASHURIE E VAJZËS SË ÇMENDUR-SYLVIA PLATH

 

Mbyll sytë dhe e gjithë bota përdhe, e vdekur bie.
Qepallat ngre e gjithçka ka rilindur.
(A mos je pjellë e mendjes sime, veç një hije?)

Yjet në blu e kuq vallëzojnë në qiell
E me galop, paftuar vjen errësirë e dendur.
Mbyll sytë dhe e gjithë bota përdhe, e vdekur bie.

Të pashë në ëndërr, në shtrat më solle me magji.
Këndove hënëgoditur e më puthe si i çmendur.
(A mos je pjellë e mendjes sime, veç nje hije?)

Zjarret e ferrit zbehen, nga qielli Zoti bie
Njerëzit e djallit, hyjnë e dalin engjëjt.
Mbyll sytë dhe e gjithë bota përdhe, e vdekur bie.

Do doja të ishe kthyer siç më the
Po vitet shkojnë dhe emrin ta harroj.
(A mos je pjellë e mendjes sime, veç një hije?)

Më mirë të kisha dashuruar një zog stuhie.
Të pakten kur vjen pranvera ata prapë gjëmojnë.
Mbyll sytë dhe e gjithë bota përdhe, e vdekur bie.
(A mos je pjellë e mendjes sime, veç një hije?)

 

Solli në shqip: Ajkuna Dakli

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Letërsi

NUMRI SHUMES-Kiki Dhimula

NUMRI SHUMES-Kiki Dhimula Dashuria, emër, kryefjalë, aq shumë kryefjalë; numri njëjës, as
Go to Top