Duke kërkuar një rrugë që të mbajë emrin tim-Izet Sarajlić

Ecejakem nëpër qytetin e rinisë sonë
duke kërkuar një rrugë që të mbajë emrin tim.

Rrugët e gjera e të zhurmshme –
ua lë titanëve të historisë.

Çfarë bëja unë ndërkohë që historia çante përpara?
Thjesht të doja ty.

Po kërkoj një rrugë të vogël, modeste, të përditshme,
përmes së cilës, krejt të padukshëm,
ne të endemi pas vdekjes.

Së pari nuk duhet të jetë shumë e gjelbër,
madje as të ketë zogjtë e saj.

E rëndësishme është që në të
çdo burrë apo qen që arratiset të mund të gjejë strehë.

Do të ishte mirë sikur të ishte e shtruar,
por në fund të fundit, kjo nuk është më e rëndësishmja.

Më e rëndësishmja është
se në rrugën që mban emrin tim
askujt, askurrë, nuk do t’i bëjnë keq.

Përktheu: Arlinda Guma

Poezia e lexuar nga Arlinda Guma: