Poezia & paraja-Niels Hav

A ka para në poezi?
– pyesin xhaxhallarët e hareshëm.
Ne mbetemi gojëhapur, duke admiruar makinat e tyre të reja,
secila prej tyre ka kushtuar afër njëqind mijë.
Duke ruajtur formalitetet e mirësjelljes, ata interesohen për poezinë në vija të përgjithshme.

Jo. Rallë fitohet pará me poezi,
kjo dihet. Shumica e praktikuesve të këtij profesioni
përdorin transportin e mjerueshëm publik. Madje disa prej nesh
kanë biçikleta ose mësohen me
autobusët dhe trenat.

Kjo është e mërzitshme. Por ndoshta ka në fund të fundit
njëfarë baraspeshe në jetë; edhe unë për të qenë i sjellshëm,
nuk dua t’i pyes xhaxhallarët me makina të shtrenjta për të kundërtën;
A ka poezi në pará?

Përktheu: Kujtim Morina

Foto © ► chuuubaka