Letër poetëve-Shpëtim Selmani

in Letërsi/Tharm by

Letër poetëve-Shpëtim Selmani

 

Mbushni xhepat e pantollonave me
vjershat e bëra shuk dhe gjuani çdo
ndërtesë qeveritare.
Sulmoni
me vargun e lirë
ndërtesen e Organizatës së Kombeve të Bashkuara; poshtërojeni me fjalët më të ndyra,
nuk ka kombe të bashkuara;
ka poetë të bashkuar,
ëndërrimtarë të bashkuar që nuk i duhen askujt,
futini vjershat tuaja të mjera brenda
ndërtesës së Nato-s, në Bruksel,
rrini të hidhëruar para Carit të tërbuar,
çdo hidhërim është i nevojshëm,
digjini të gjithë traktatet që gjeni
dhe me pas lexoni Holderlin-in
si një kor antik dhe deklaroni
atë që është,
nga lashtësia e deri tash;
sall lakmi, barbarizëm dhe gjak
gjelash, kudo në sheshet e botës.
Poetë, bashkohuni
para Shtëpise së Bardhë
ju jeni rusë,
para Kremlinit
jeni amerikanë,
para amerikanëve dhe rusëve
jeni poetë,
para identiteteve kombëtare
jeni njerëz,
para njerëzve jeni fëmijë,
luftoni me biberonët tuaj
të përgjakur dhe akuzojeni
me zë të lartë, atë që ka
krijuar mendjen.

Në foto një fëmijë ukrainas, duke parë nga dritarja e trenit, që po e evakuon prej qytetit të tij të bombarduar.

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Letërsi

NUMRI SHUMES-Kiki Dhimula

NUMRI SHUMES-Kiki Dhimula Dashuria, emër, kryefjalë, aq shumë kryefjalë; numri njëjës, as
Go to Top