Haiku me hënë dimri

 

~ • ~

Nën dritën e hënës
Kthehem në shtëpi
Me hijen time

Sodo

***

Bredh fillikate
Mbi shkorret
Hëna e dimrit

Roseki

***

Në vorbullën e ftohtë
Hëna fillikate
Vërtitet në qiell

Meisetsu

***

Kaloj i vetëm
Në dritën e ftohtë të hënës
Urën që dridhet

Taigi

***

Në britmën e fazanit të argjendtë
Që s’e zë gjumi
Ngrin hëna

Kikaku

***

Takoj një murg
Mbi urë –
Hënë dimri

Buson

***

Asnjë gur
Për të gjuajtur qenin –
Hënë dimërore

Taigi

***

Më e ftohtë se bora
Hëna e dimrit
Mbi flokët e thinjur

Joso

~ • ~

 

Përktheu: Alket Çani