E Dashur Hënë-Warsan Shire

 

E dashur Hënë,
Ne të fajësojmë ty për përmbytjet
për gjakun që derdhet
për burrat që janë edhe ujqër
dhe, edhe pse ti mund të tërhiqesh
batica hyn prej flokëve të saj,
ne u themi njerëzve se kemi ecur
mbi ty
të fajësojmë për natën
për errësirën
për fantazmat
ty gjënë e ftohtë të paimagjinueshme
që na ndjek pas gjatë rrugës për në shtëpi,
ne të përdorim ty
për të parë trupat e brishtë
të zhveshur të njëri-tjetrit nën dritën tënde blu,
të lejojmë të shikosh; ti bymehesh pas xhamit
frymon një aureolë avulli
ndërsa ne lëvizim ndaj njëri-tjetrit
të lagësht dhe të dëshpëruar
si peshqit
nën një qiell të përmbytur me ujë.

 

Përktheu: Arlinda Guma