Ato të Diela Dimri-Robert Hayden

 

Edhe të dielave babai im ngrihej herët,
Vishej në errësirën e ftohtë mavi,
Pastaj me duar të plasaritura që i dhembnin
Nga puna jashtë në motin e përditshem
I bënte zjarret e mbuluar në vatra të flakëronin.
Kurrë, askush s’e falënderoi.

Unë zgjohesha dhe dëgjoja si ciflosej, çahej i ftohti.
Kur dhomat ngroheshin, më thërriste.
Ngadalë ngrihesha dhe vishesha,
Druaja zemëratat kronike të shtëpisë.

I flisja mospërfillshëm atij,
Që kishte përzënë të ftohtin
E lustruar këpucët e mia të mira.
Çfarë dija, çfarë dija unë,
Për zyrat strikte e të vetmuara të dashurisë?

 

Përktheu: Shpresa Ymeraj