Yehuda Amichaï – Koha

 

26
Ky kopsht me rrëfimin tënd brenda.
“I rrënuar nga dashuria”, më the
dhe një mori gjërash të tjera që i kam harruar. Më kujtohen
gjethet tashmë të nxira, sipër,
dhe fjalët, poshtë, ende në dritë.

Diku një dritare ku ai që e hap
nuk është i njëjti që e mbyll.

Dhe numri i një porte shtëpie
në zemrën time i skalitur, si shenja
mbi kalë
me hekur të nxehtë.

“I rrënuar nga dashuria” – të fundmit
zëra tanimë janë bërë
ushqim për zogjtë dhe kafshët e vogla të natës.

 

Përktheu: Leda Kushova