Tiranë e re-Ajkuna Dakli

 

Vapë.
Sheshe të vogla populluar
me statuja të reja burrash të shquar
zgjedhur me kujdes nga një listë e gjatë

Pemët e moshuara koten përgjumshëm
degët gogësijnë mbi librashitës shëtitës
poezitë, romancat e biografitë thahen në diell
si ushtarë të një llogoreje ngecur
në të njëjtin fat.

Asfalti pjek shputat me një përcëllimë të njohur:
mbi pluhur të vjetrash
shullëhen ndërtesa të reja
xhamat shformojnë fytyra dashurish
të shembura.

_____

Shkëputur nga vëllimi me poezi “Rrokje”,  2016