Djegia e librave-Bertolt Brecht

 

Kur Regjimi
urdhëroi që librat e paligjshëm të digjeshin,
qetë e ngathëta bartën barrat sa një mal deri tek zjarret.

Pastaj një shkrimtar i dëbuar, një nga më të mirët,
që këqyri listën e teksteve të shkishëruara,
u tërbua nga inati: ai ishte përjashtuar!

Ai vrapoi drejt tryezës së tij, plot zemëratë përçmuese,
për t’u shkruar letra të ashpra delenxhinjve të pushtetit –
Më digjni! Shkroi ai me penën e tij flakëritëse –
A nuk e kam thënë gjithmonë të vërtetën?
Tani ja ku jeni dhe po më trajtoni si gënjeshtar!
Më digjni!

 

Përktheu: Arlinda Guma