Ngjyrat e ujit-Marsela Neni

in Letërsi/Tharm by

Ngjyrat e ujit-Marsela Neni

 

Të ujtë jemi.
Prej uji na gatoi shtjella
Dy nga tri pjesë të kaltra të vetes.

Të ujit jemi.
Në këtë botë të lëngët, në mijëra ngjyresa
e kemi jetën, të bardhë e të kuqe gjak.

Të oqeantë jemi.
Ishullorë të t’njëjtit arkipelag
brigjet e errëta ia ngërthejmë si ujq njëri-tjetrit.

Të ujshëm jemi.
Marrim formën që na japim
zërin e vrarë që në djep e ildisim pajë.

Prej shiut jemi.
Prej shiu të vyshkur lotësh
të thamet baltra të shpirtit mëngjesit t’i lajmë.

Të Jonit jemi.
Një kokërrz kripe prej tij na ra për hise
me qenë mbjellë në një tokë të ashpër burrash.

Vesojmë në Mes të dheut
Rremat përplasim në të katra anët, e bregun
që na shpie te vetja, prej frikës e shmangim.

Të ujtë jemi.
Në të vështirin udhëtim në thellësi të unit
uja në fund të shpirtit do t’i valëvisë ngjyrat.

Ujem*, mos ki frikë! Koha do të na përhirojë.

_______

* Uji jem ( uji im)

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Letërsi

NUMRI SHUMES-Kiki Dhimula

NUMRI SHUMES-Kiki Dhimula Dashuria, emër, kryefjalë, aq shumë kryefjalë; numri njëjës, as
Go to Top