Lista e gjatë-Alain Bosquet 

 

Sa e gjatë është lista juaj!

Shelli që është kthyer në hi,

Kits, miku më i mirë i qenies dhe mosqenies,

Pushkini, i vrarë se mbrojti dashurinë,

Lermontovi, me jetën e tij në mëshirën e fatit,

Tristan Korbier që përçmonte veten,

Lotremoni që refuzonte gjithë të tjerët,

Pegi, i kositur nga vdekja si tërshëra e gruri,

Apolineri me një shpirt të shpuar,

Majakovski midis absurdit dhe revoltës,

Esenini duke ngjyer penën në venat e tij,

Oh, lista është shumë e gjatë.

Poetë të rinj,

më falni që kam jetuar

dy herë më gjatë se ju!

 

Pērktheu: Luan Rama