Deklaratë e së ardhmes-Dahlia Ravikovitch

 

Një njeri i uritur
apo i pavendosur
do të bëjë kompromise,
ose gjëra
për të cilat nuk ka ëndërruar
kurrë në jetën e tij.

Papritmas, përkul kurrizin,
ç’i ka bërë vallë kurrizit
për ta patur kaq të kërrusur?
Humbja e krenarisë.
Dhe e qeshura i ngrin
sheh duart e tij
të fëlliqta,
tek prekin objekte të lagura
të cilave nuk mund t’u shpëtojë.

Dhe ai nuk ka zgjedhje
ose të paktën kështu mendon,
e pabesueshme si mundi
të mungojë gjithë këto vite,
dhe t’i gdhendte ato,
njëri pas tjetrit,
në brendësi të jetës së tij.

 

Përktheu: Leda Kushova