BRITMAT E KOTA-Gherasim Luca (1913-1994)

Askush për t’i thënë
se s’kemi asgjë për të thënë
dhe se asgjëja që vetes i themi
vazhdimisht
vetes ia themi
sikur vetes të mos i thoshim asgjë
sikur askush të mos na thoshte
madje as ne
se s’kemi asgjë për të thënë
askujt
për t’ia thënë
madje as vetes

Askush për t’i thënë
se s’kemi asgjë për të bërë
dhe se s’bëjmë asgjë tjetër
vazhdimisht
çka është një mënyrë për të thënë
se nuk bëjmë asgjë
një mënyrë për të mos bërë asgjë
dhe për të thënë atë që bëjmë

Askush për t’i thënë
se nuk bëjmë asgjë
se nuk bëjmë tjetër
veçse atë që themi
domethënë asgjë

Përktheu: Alket Çani

 

 

https://www.askasalla.com/