VERË E BARDHË RAHOVECI-Xhevdet Bajraj
Sa herë që binte në gjumë
poeti
një muzë
e lidhte kalin
para derës
dhe i hynte në ëndërr
zbathur
shkelte
si gratë kur e shkelin rrushin
për ta bërë verë.Një ditë prej ditësh
poeti vdiq në gjumë
muza mbeti e bllokuar në ëndërr
zbathur.E morën poetin dhe e varrosën
e mbollën në fushë
Pas një kohe
nga varri i tij
mbiu një hardhi rrushi
nga kokrrat si majat e gjinjve të saj
rridhte verë e bardhë
natyrisht
verë Rahoveci.
PËRBALLË MEJE-Xhevdet Bajraj
PËRBALLË MEJE-Xhevdet Bajraj Tërë jetën u përpoqata ndërtojnjë botë për vete dhe tash kur e
