Vdekja është e gjatë-Alain Bosquet

 

Një petale trëndafili që vallëzon, që ndalet.

Një bubuzhel i lumtur si një heshtje.

Një strall ku prehet një pëshpërimë vagabonde.

Një shatërvan me tri muzikat e tij.

Një frut që fle në parfumin e lehtë të tij.

Një kaltërsi qielli që ka zbritur ashtu kot mbi çatitë,

për të ndjerë s’dihet çfarë përkëdhelish.

Një kujtesë

e transformuar nga përralla.

Një përrua që në shenjë respekti kthehet në burimin e vet.

Një fjalë e humbur që gjen strehë në një gjuhë mikpritëse.

Por s’ka asnjeri të më thotë

se jeta ime është tepër e shkurtër, dhe vdekja ime tepër e gjatë.

 

Përktheu: Luan Rama