VAJZA QË E MBIJETOI MASAKRËN-Xhevdet Bajraj

in Letërsi/Tharm by

VAJZA QË E MBIJETOI MASAKRËN-Xhevdet Bajraj

 

Ajo vajza që i mbijetoi masakrës
tashmë është rritur
është bërë grua e nënë
Zemra i bëhet mal
kur i sheh dy vajzat e saj
duke lozur me kukulla

Edhe ajo ende e ruan kukullën e saj
që e kishte humbur një këmbë
kur eksplodoi bomba në afërsi të tyre

Loz me të
kur nuk e sheh askush
kur do të qajë
për njerëzit që i humbi atë ditë.

1 Comment

  1. Neviana Shehi

    HISTORI ME UJQ

    S’di përse sytë e mi
    më shkuan tek ta menjëherë
    dhe s’di përse u drodha

    Isha kthyer nga një vizitë e gjatë
    dhe interesante në Alpe
    dhe isha kaq e mbushur me pamje
    e sërish prania e tyre më joshi

    Sytë e njeriut tërhiqen nga enigmat
    dhe e kanë në gjak kureshtjen
    dhe s’mund të ndodhte ndryshe

    Pesë lëkura ujqish pranë e pranë
    mbërthyer në një mur
    gjashtë vëllezër ujq
    dhe të gjashtë me lëkura të murme

    Është një moment kur pyetjet shtrohen vetiu
    pa i lënë radhë njëra tjetrës
    si kishin mbërritur këtu
    dhe përse i kishin vrarë?

    Ata që e dinin historinë e gjashtë ujqërve
    na e pasqyruan në stile të ndryshme narrative
    duke u kujdesur të ruanin të njëjtin subjekt

    Ata ishin gjashtë vëllezër ujq
    të parritur mirë
    të ngecur për vdekje
    në të njëjtin kafaz

    Në kohën e rënies së madhe të ortekëve
    kujdestari i tyre vdiq
    duke i lënë të braktisur me ditë të tëra
    përballë vetmisë së bardhë
    dhe urisë së zezë

    Përtej gardhit kalonin sorkadhe
    dhe derra të egër
    tre ditë me radhë ulëritën e ulëritën
    nga tmerri dhe uria
    e zgjidhje s’vinte

    Atëherë nisën t’i suleshin njëri tjetrit
    ujku më i fuqishëm ju sul vëllait
    më pak të fuqishëm
    duke e copëtuar pamëshirë
    të tjerët që vetëm këtë prisnin
    bënë të njëjtën gjë
    duke e çuar kështu
    gjer në fund narracionin

    Historitë me ujq të uritur
    zgjidhjet i kanë gjithmonë
    brenda vetes…

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Letërsi

Katanjia-Lara Vapnyar

Lara Vapnyar Kur isha fëmijë kisha një familje kukullash. Ato jetonin në
Go to Top