Udhëtim-Herman Çuka

 

Të gjithë kemi brenda
një Mekë, të cilës i falemi
për mëkatet, dhe të ardhme,
një Jerusalem, ku vëmë
pusullkat e lutjeve t’ëndrrave,
në vrimat e mureve.

Një Holokaust loti
e mërmërimash, për humbjet
prej vdekje vdekjes,
e vdekjes prej njeriut.

Një mashtrim prej Eden-i
që na mbush boshllëkun
me dritën e çasteve, kujtuar
të lumtura e menduar
se është dhe dashuria.
…
E mbi të gjitha,
njeriun e vetmuar,
parë shëmbëlltyrën,
që në bark të nënës,
e der’ në portën e fundit…