Rruga-Edvin Thomollari

in Letërsi/Tharm by

Rruga-Edvin Thomollari

 

Që të bëhesh trim
duhet ta bësh ketë rrugë natën…
Një shkop, një gur, një zemër,
një rrugë sa një gjysmëqiell…
dy konizma ku mund të bësh kryqin tri herë.
Hajmalitë nuk lejohen,
vetëm një shkop, një gur, një zemër…
Trinia e shenjtë dhe kujtimet e njerëzve të gjallë,
Pali, që nuk e hoqi kapelen me yll kur i thanë “nicht partisan”.
Shën Pali, që nuk hoqi dorë nga ungjilli,
ylli dhe ungjilli, tani janë në gur.
Një shkop, një gur, një zemër, një yll dhe një ungjill…
Hajmalitë nuk lejohen,
lejohet vetëm të ëndërrosh se po afrohen dritat e qytetit…
Një shkop, një gur, një zemer, një yll, një ungjill dhe dritat e qytetit…
Por, duhet ta bësh këtë rrugë natën…

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Letërsi

Pse shkruaj?/Genci Gora

Pse shkruani? Revista defekt-teknik ua drejtoi këtë pyetje disa shkrimtarëve dhe poetëve shqiptarë,

Pse shkruaj/Manjola Nasi

Pse shkruani? Revista defekt-teknik ua drejtoi këtë pyetje disa shkrimtarëve dhe poetëve shqiptarë,
Go to Top