Autostopisti i Galilesë- Richard Brautigan

Autostopisti i Galilesë- Richard Brautigan

 

Baudelaire-i po ngiste

një Model A

mes për mes Galilesë.

Ai mori një

autostopist të quajtur

Jezu që po

rrinte mes

një tufe peshqish,

që i ushqente

me copa buke.

« Ku po shkon ? »

pyeti

Jezui, pasi ndenji

në sediljen

e përparme.

« Anywhere, anywhere

out of this world ! »

thirri

Baudelaire-i.

« Po vij me ju

deri në

Golgota »,

tha Jezui.

Kam një

vend të rezervuar

për karnavalin

atje dhe nuk

duhet të jem

me vonesë.

 

Përzgjodhi dhe pëktheu: Alket Çani