Arti i të lexuarit poezi-Dany Laferrière

 
Ja diçka për të cilën flasim
gjithmonë e më rrallë dhe që duhet të bëjë
pjesë në jetën tonë urbane:
të lexuarit e poezisë.
Nga dita që kemi braktisur fshatin
për këtë jetën e nxitimthtë leximi
i poezisë është bërë
po aq qenësor sa oksigjeni.
Mjekët duhet ta këshillojnë poezinë
si melhem ndaj stresit.
Dhe nëse poetët duken kaq të sfilitur e bëjnë
që lexuesit e tyre të marrin frymë
më mirë. Fillimisht një këshillë:
poezia nuk lexohet
si romani. Çdo poemë
është e pavarur. Merrni dy poezi në ditë:
një në mëngjes dhe një në darkë.
Gjeni një varg që ju pëlqen më shumë dhe
bluajeni gjithë ditën
derisa t’ju ngulitet mirë në mish.
 

Përktheu: Ledia Kushova