VETËM TI KISHE VDEKUR PËRNJËMEND -Xhevdet Bajraj

 

Një prostitutë me fytyrë si të fëmisë
me vath yjesh të arta në vesh
qeth qengjat
në brigjet e lumit të të gjitha përrallave.

Një ylber kuqezi stolis peizazhin shqiptar,
një budalla
me kallash në dorë
merr diellin në shenjë:
BAM,
ngordh ditën.

Ylberi dridhet
dhe zbret në sytë e vashës,
dy yje shkëlqejnë,
hëna lind mes gjinjve të saj
po askush nuk e sheh
pos teje.

Të gjithë janë “dekën” në gjumë,
vetëm ti kishe vdekur përnjëmend.

_______

Nga libri” Copa ime e qiellit”, KOHA, 2015