Që të ndahesh për ca kohë-Nizar Kabani

in Letërsi/Përkthim/Tharm by

Që të ndahesh për ca kohë- Nizar Kabani

 

E dashur le të ndahemi për ca kohë

Për të mirën e dashurisë sonë por dhe të mirën tonë

Le të ndahemi për ca kohë

Në dobi të kujtimeve tona të shtrenjta

Që ne bashkë i kemi përshkuar

Në emër të një dashurie përrallore

Që ende mbetet shkruar në buzët tona

Në emër të gjithë letrave

Që ti më ke dërguar

Në emër të kujtimeve që kemi

Në emër të dashurisë tonë me të bukur

Të kërkoj të më lesh

Le të ndahemi si miq të mirë

A s’i lenë zogjte për çdo stinë 

                                             Kodrinat e tyre

A s’është dielli më i bukur 

                                             Bash kur perëndon e dashur

Vuajtje dhe ngurrim qofsh në jetën time

Veç një herë ti qofsh trillim

                                             Një vegim

Një pikëpyetje gjatë gjithë qenies sime 

Pa kurrfarë përgjigjeje

Në emër të një dashurie përrallore

Që ka vatër zemrat tona dhe dritë sytë tanë

Të kërkoj që të nisesh

Le të ndahemi ndërkaq që ende duhemi

Le të ndahemi për hatër të gjithë dashurisë

Gjithë mirësisë që ne kemi brenda nesh

Do desha e dashur që të më shihje përmes lotëve tanë

E dashur le të ndahemi në vaj e sipër

U bë kohë që më s’dimë ç’është butësi e lotëve

Le të ndahemi për sa kohë kjo dashuria jonë

S’është bërë e rëndomtë

Para se zjarri ynë të bëhet hi

Para se lulet të vyshken në vazo

 

Në emër të një dashurie përrallore

Që ka mbirë brenda nesh si pranverë

Që ka ndritur sytë tanë si diell

Në emër të dashurisë më të bukur të jetës sonë

Të kërkoj që të nisesh

Kështuqë dashuria jonë të mbetet një dashuri e vërtetë

Që dashuria jonë të vazhdojë të jetojë

Të kërkoj që të nisesh

 

Përktheu: Edon Qesari

 

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Letërsi

Go to Top