Shkruaj sepse nuk e mbaj dot atë që kam brenda, sepse ndjej nevojën për të shkruar dhe sepse kjo është e vetmja mënyrë imja për të komunikuar me të tjerët, me veten time.
VICTORIA OCAMPO
Të gjithë kemi ndonjë cifël qelqi të thyer në shpirt, e cila, sado e vogël të jetë, na lëndon dhe na përgjak nga pak. Dhe unë duke shkruar ndiej se mund të nxjerr pak nga këto dërrmile qelqi jashtë vetes. Duke i hedhur mbi një letër, ato nuk më lëndojnë më.
EDUARDO GALEANO
Vjen një çast kur gjithë pengesat shemben, kur gjithë mosmarrëveshjet shmangen dhe dikujt i vijnë në mendje gjëra që as i kishte ëndërruar dhe atëherë, në jetë nuk ka gjë më të mirë se të shkruash.
GABRIEL GARCÍA MÁRQUEZ
Është më mirë të dështosh në origjinalitet sesa të imitosh.
HERMAN MELVILLE
Unë kurrë nuk kërkoj tema, i lë që ato të më kërkojnë dhe, megjithatë, u shmangem. Por, nëse tema këmbëngul atëherë unë dorëzohem dhe shkruaj.
JORGE LUIS BORGES
Unë nuk shkruaj se më pëlqen, as se nuk më pëlqen. Shkruaj se diçka më shqetëson.
JOSÉ SAMARGO
Shkrimtarët jetojnë nga fatkeqësitë e botës. Në një botë të lumtur nuk do të kishte shkrimtarë.
JOSÉ SAMARGO
Ne shkrimtarët jemi qenie të plagosura. Prandaj krijojmë tjetër realitet.
PAUL AUSTER
Nuk duhet shkruar veç në çastin kur, sa herë ngjyen penën me bojë, një copë e mishit tënd mbetet në shishen e bojës.
LEON TOLSTOI
Sipas meje, të shkruash është një akt aq i fshehtë sa edhe të ëndërrosh.
STEPHEN KING
Shkruaj nga kënaqësia për të kundërshtuar dhe nga lumturia për të qenë vetëm kundër të gjithëve.
MILAN KUNDERA
Shkruaj për të mbushur zbrazëtinë, për t’u hakmarrë ndaj realitetit, ndaj rrethanave.
MARIO VARGAS LOSA
Duhet shumë dëshpërim, pakënaqësi dhe zhgënjim, për të shkruar pak poezi të mira.
CHARLES BUKOWSKI
Përktheu: Bajram Karabolli
