Ekstazë vjeshtore-Marsela Neni

in Letërsi/Tharm by

Ekstazë vjeshtore-Marsela Neni

 

Kur Migjeni shkroi
“Ekstazë pranverore”,
Mendo!
Ai s’mund të na imagjinonte dot
ne të dy në ekstazë, i dashuri im.
Ne duhemi në vjeshtë:
në kohën kur butet e mbushura me rrush
shtypen me drithërimë e këngë ndër buzë;
vera dhe rakia ngrenë dolli për shpirtrat tanë
që rroken ndër shtjella të ajërta,
larg bërsive, larg baltrave të lotëve mëkatarë,
flladi i shtatorit si ‘Balsami i Galaadit’*
na i pështjell tempujt e vetes
dhe të përgjunjur
përpara dhimbjes së dashurisë
ujin, që na rrjedh thellësive,
e kthejmë në verë.

*Balsami i Galaadit- bimë e veçantë e përmendur në Bibël. Përdorej për të prodhuar parfume, temjan dhe ilaçe. Ishte mjaft e çmuar në Lindjen e Mesme për vetitë kurative. Një nga përbërësit e parfumit të parapëlqyer të Kleopatrës, mbretëreshës legjendare të Egjiptit.

Tags:

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Letërsi

NUMRI SHUMES-Kiki Dhimula

NUMRI SHUMES-Kiki Dhimula Dashuria, emër, kryefjalë, aq shumë kryefjalë; numri njëjës, as
Go to Top