Mendoj se fraza “leximi i detyrueshëm” është një marrëzi; leximi nuk duhet të jetë i detyrueshëm. Është njësoj si të thuash kënaqësi e detyrueshme. Por a ka kënaqësi të detyrueshme? Kënaqësia është diçka që kërkohet. Apo lumturi e detyrueshme! Ne lumturinë gjithashtu e kërkojmë. Unë kam qenë profesor i letërsisë angleze për njëzet vjet në Fakultetin Filozofik dhe të Letrave të Universitetit të Buenos Aires dhe gjithmonë i kam këshilluar studentët e mi: nëse një libër ju mërzit, lëreni; një libër mos e lexoni nga që është i famshëm, nga që është modern, apo nga që është i vjetër. Nëse një libër është i mërzitshëm për ju, lëreni së lexuari; qoftë ai libër Parajsa e Humbur – për mua nuk është i mërzitshëm – ose Don Kishoti – për mua gjithashtu nuk është i mërzitshëm. Por nëse ka një libër të mërzitshëm për ju, mos e lexoni; ai libër nuk është shkruar për ju. Leximi duhet të jetë një nga format e lumturisë, prandaj dua t’ua lë lexuesve si një amanet të mundshëm – amanet që nuk kam ndërmend ta shkruaj: lexoni shumë, pa u trembur nga reputacioni i autorëve, vazhdoni të kërkoni një lumturi personale, një kënaqësi personale. Është e vetmja mënyrë për të lexuar.
BORGES
E di, kam shkruar gjysmën e atyre që doja të shkruaja dhe kam botuar dyfishin e atyre që doja të botoja.
Lexojmë gjithçka për dashurinë, por kur biem në dashuri zbulojmë se asgjë nuk është shkruar për dashurinë tonë.
MARCO DENEVI
Zoti ende nuk e ka krijuar botën; ai vetëm është duke e imagjinuar atë, si nëpër ëndrra. Prandaj bota është e përsosur, por konfuze.
LAURO ZAVALA
Nëse një milingonë do të ishte shkrimtare, ç’do të shkruante veç minifiksioneve?
DAVID LAGMANOVICH
Pērktheu: Bajram Karabolli
