LUFTA LIND ME FISHKËLLIMA-Sueton Zhugri

Nganjëherë nga fishkëllimat lindin luftëra
Aleksandri u gjend i lumtur në Egjipt një mëngjes
Çezari fishkëlleu mbi Rubikon me dallgë të zbehta
Attila fishkëllente mbi skalpet e armiqve
Xhengiz Khani fluturonte mbi kalë duke ëndërruar fishkëllimën e kafkave

Çdo luftë është një businesses i rrallë
Flori e shkuar floririt
Enola Gay fishkëllente
mbi kokat e pazbukuruara të hiroshimëve…
Ne na pret një luftë përfundimtare nën lëkurët tona indianeske.
Do na rrjepin të gjallë idiotët, të gjallë po të them,
e s’do ketë më tribu, e s’do ketë më kufij,
Do të jemi bërë, nga i pari në fund,
Mish për top…
Hape gojën edhe ti, ulëri!
Aleksei Navalny vdiq
Julian Assange është ende gjallë…
Ulëri!
Së shpejti do të jemi të gjithë Palestinezë
dhe do jetë tepër vonë
botë si mund të çlirohemi
nga propaganda e shfarosjes
dhe nga ujqit e veshur demokratë.