DISA DUAN POEZINË-Wislawa Szymborska-Nobel 1996

 

Disa –

pra, jo të gjithë.

Madje as shumica e të gjithëve, përkundrazi.

Dhe pa llogaritur shkollat, ku është e detyrueshme,

si dhe poetët vetë,

i bie jo më shumë se dy në një mijë.

 

Duan –

por duan edhe gjellën me thjerrëza,

duan lëvdatat dhe ngjyrën e kaltër,

duan edhe shallin e vjetër,

duan të pranosh pikëpamjet e tyre,

duan të ledhatojnë qenin.

 

Poezinë –

por ç’të jetë, vallë, kjo poezia?

Kësaj pyetjeje iu dhanë

shumë përgjigje të paqëndrueshme.

As unë s’e di, nuk e di, dhe kapem fort pas saj

si pas ndonjë parmaku shpëtimtar.

 

Përktheu: Alket Çani