BOLERO-JULIO CORTÁZAR

in Letërsi/Përkthim/Tharm by

BOLERO-JULIO CORTÁZAR

Argjentinë, 1914 – 198

Çfarë kotësie të imagjinosh

se mund të të jap gjithçka: dashurinë dhe lumturinë,

udhëtimet, meloditë, lojërat.

Vërtet që kështu është:

gjithçka timen ta jap, vërtet,

por gjithçka imja nuk të mjafton

siç nuk më mjafton mua të më japësh

gjithçka tënden.

Prandaj s’do të jemi kurrë

çifti i përsosur, kartolina postare,

nëse s’jemi të aftë të pranojmë

se vetëm në aritmetikë

dyshi lind nga një plus njëshi.

Aty më tej një copë letër

që thjesht thotë:

Gjithmonë ke qenë pasqyra ime,

dua të them se për të parë veten duhet të të shihja ty.

Pērktheu: Erion Karabolli

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Letërsi

Go to Top