UNË NUK E DI NËSE HISTORIA PËRSËRITET- Yehuda Amichai

 

Unë nuk e di nëse historia përsëritet,

por e di që ti… jo. 

Më kujtohet që i përçarë qe qyteti,

jo vetëm ndërmjet arabëve dhe hebrenjve,

por edhe ndërmjet meje dhe teje,

kur bashkë ne ishim.

Një gji rreziqesh u bëmë ne. 

Ndërtuam një shtëpi prej luftërash vdekjeprurëse,

si njerëzit e Veriut të largët,

që një shtëpi të sigurt e të ngrohtë ndërtojnë 

prej akullit vdekjeprurës.

Qyteti u bashkua

por ne bashkë nuk qemë atje.

Veç tani unë e di

që historia nuk e përsërit veten

ashtu si gjithmonë e kam ditur që edhe ti… jo.

 

Përktheu: Eraldo Hatija