Stuhi dhe gëzim-Sueton Zhugri

 

Buzët e tua si plagosje e përsosur
Buzët e tua si asfalt i kuq i saposhtruar
Buzët e tua si burim toke të etur
Buzët e tua si piedestal arkaik ëmbëlsie
Buzët e tua si dy klithma çlirimi
Buzët e tua si dridhje çiftelie
Buzët e tua si pulëbardha të egërsuara
Buzët e tua si këngë minatorësh
Buzët e tua si goditje ujvarash
Buzët e tua si bukë e butë thithëse
Buzët e tua si gjak i vluar yjesh
Buzët e tua si librari dëshirash
Buzët e tua si putrat e lashta të Sfinksit
Buzët e tua si dy meteorë binjakë
Buzët e tua si arkivole dhimbjeje
Buzët e tua
— ëndrra kapur pas meje si spirancë
në detin më të bukur të një stuhije

 

5.11.2022