Poezi Vertikale-Roberto Juarroz

Poezi Vertikale-Roberto Juarroz

17

Duhet të biem dhe s’mund të zgjedhim ku.

Por ekziston një formë e erës mes flokëve,

një pushim i çastshëm i goditjes,

një kënd i krahut

që mund ta përthyejmë ndërsa biem.

 

Është thjesht caku i një shenje,

skaji i pamenduar i një mendimi.

Por mjafton për të shmangur thellësinë e cekët të disa duarve

dhe mjerinë mavi të një Zoti të shkretuar.

 

Bëhet fjalë që ta harkojmë pak më shumë presjen

e një teksti që s’mund ta korrigjojmë.

Përktheu: Erion Karabolli