PËRBALLË DËBORËS-Du Fu

 

712-770)


Për luftën kanë zënë të qahen

Të vdekurit e vonë në varreza.


Si plak mërmëris i vetmuar

Dhe bluaj mendime të zeza.


Drejt muzgut të mbrëmjes sot

Po zbresin rrëmujshëm retë;


Në erën që sillet ngado

Dëbora hedh vallen e vet.


Kungulli hedhur përtokë,

Vera në brokë mbaruar;


Në stufën e vjetër të odës

Zjarri ende s’është shuar.


Nga gjithë prefekturat e vendit

Nuk ka asnjë lajm gjer tani;


Kështu i trishtuar po ulem

Të shkruaj ca fjalë në ajri.


Përktheu: Alket Çani

Piktura: Mishel Alekyan