Fletëpalosje-Wislawa Szymborska
Jam një antidepresiv.
Veproj në shtëpi,
punoj në zyrë,
përballoj provimet,
paraqitem në seancë gjyqësore,
ngjis me kujdes gotat e thyera-
thjesht duhet të më pish,
shkrihem nën gjuhë,
duhet vetëm të më kaptosh me një gllënjkëz ujë.
Di si trajtohet palumturia,
si durohet një lajm i keq,
si zvogëlohet padrejtësia,
si përndritet mungesa e Zotit,
si zgjidhet një kapele e bukur zie.
Çfarë po pret – besoji mëshirës kimike.
Je një burrë (grua) ende e re, duhet të sistemohesh disi.
Kush tha që jeta duhet të jetohet me guxim?
Më jep humnerën tënde – do të ta mbush me gjumë.
Do më jesh aq mirënjohës sa të më përulesh në gjunjë.
Ma shit shpirtin tënd.
Një blerës tjetër më nuk do të të qëllojë.
Një djall tjetër më nuk ka.
Përktheu: Arlinda Guma
Harta-Wislawa Szymborska
Harta-Wislawa Szymborska E sheshtë si tavolina ajo është vendosur mbi të. Asgjë nuk lëviz poshtë saj