E huaja ime-Sueton Zhugri
Nuk njihemi, e ndoshta
nuk kemi për tu njohur.
Të mbytur në kohë
si nën një ujvarë përpirëse
fatet tona prej tjetrit largohen.
Dikur qëlluam nën të njëjtën natë
në të njëjtën hemisferë
dhe të njëjtin meridian
në të njëjtën urë ëndrrash,
por jo më pranë se aq…
E megjithatë
po të mendosh prej nesh
largësinë
e krijesave në planetin X
të yllit Sirius
unë dhe ti
praktikisht jemi një
krijesë siameze
tërësisht e pandashme…24.3.2018
LUFTA LIND ME FISHKËLLIMA-Sueton Zhugri
LUFTA LIND ME FISHKËLLIMA-Sueton Zhugri Nganjëherë nga fishkëllimat lindin luftëraAleksandri u gjend i lumtur në Egjipt