Është një tjetër poezi-Aksinia Mihaylova

in Letërsi/Përkthim/Tharm by

Është një tjetër poezi-Aksinia Mihaylova

 

Vallë pse jetojmë në lartësi të ndryshme
vjeshta vjen më herët në vendin tim
ndërkohë që ti udhëton nga një qytet në tjetrin
lexon poezi dhe bën komente mbi Cendrasin
duke u përpjekur të shpjegosh se përse
«nëse dashuron duhet të nisesh»

ndërsa unë përziej në tenxhere marmalatën e kumbullave
me lugën e drunjtë e të gjatë të gjyshes sime
shoh kopshtin, është i njëjtë në fund shtatori
vështroj jetën, gjithnjë më e gjerë se ne
dhe atëherë kuptoj që nuk ka një sinonim për të.

Pulat në oborr zihen mes tyre
për një krimb të sapo dalë nga toka,
një natë më parë fqinji ka sjellë një koshere
dhe përpiqet të fusë në të mbretëreshën e re
por është e pamundur që dy mbretëresha
të jetojnë nën të njëjtën strehë

ndërsa unë nxjerr një bletë që s’dihet pse ka humbur
e po mbytet
në poçin tim të tretë të marmalatës.

 

Përktheu: Luan Rama

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Letërsi

Rishoh-Sueton Zhugri

Rishoh-Sueton Zhugri   I rishoh hapat e tua mbi parmakët e një

Prelud-Nizar Kabbani

Prelud-Nizar Kabbani   Për një grua që s’ka të ngjashme e pagëzuara
Go to Top