Escape-Edvin Thomollari
Pa gdhirë mirë
mblodhëm arra dhe yje…
Të bëjmë gliko arrash dhe yjesh,
të gostitim vajzat me krahë të hollë
që do na vijnë në drekë
dhe do na sjellin pikat e vesës
në një kungull vere,
që do t’i presim në odën e diellit,
me dritaret hapur…
që të hyjë ajri që ka kaluar nëpër gjethe,
nëpër flokë dhe nëpër gishta…
Do jetojmë shumë gjatë në drekë…
Do jetojmë aq sa mushti të jetë i ëmbël dhe pa hile.
Identitet-Edvin Thomollari
Identitet-Edvin Thomollari Kalojnë përditë avionë gri, në qiellin gri, grija është klishe dhe gjithë klishetë