Poezi nga Tasos Livadhitis

in Letërsi/Tharm by

Poezi nga Tasos Livadhitis

Por tani, s’jemi vetëm ne të dy në dashurinë tonë.

Brenda dashurisë sonë, mamaja ime e vdekur ngjitet në një kodër të bardhë

dhe mbledh në përparësen e saj gjithë rrezet e mëngjesit

brenda dashurisë sonë këndojnë serenata gjithë fëmijët e vrarë të mëhallës

brenda dashurisë sonë gjithë vajzat e vyshkura nuk psherëtijnë më,

tani edhe ato kanë një buzëqeshje, një lule, një trim, që t’i jepen

edhe fëmija i pazë i gjitones tashmë mundet të këndojë brenda nesh

brenda dashurisë sonë një llambë ndriçon të përunjurit

brenda dashurisë sonë ngrohet një bukë për gjithë të uriturit

brenda dashurisë sonë një filiz i njomë

një trumcak

një fizarmonikë

brenda dashurisë sonë të gjithë të vdekurit s’janë më të panjohur

por si mëma e tyre u flasim me emrat përkëdhelës.

 

Dhe, atje tutje, larg në thellësi

pa atë plakën që po thurte ulur në pragun e Azisë.

A e di se ç’po thur e dashur? Po thur çorapet e bijës sonë të ardhshme.

 

Mirëmëngjes të gjithë ju vëllezërve të mi të largët.

Ejani t’ju njoh me të dashurën time. Më thoni, a s’është e bukur?

E dua si jetën dhe këngën, vëllezërit e mi, e dua. Dhe më shumë madje.

Mirëmëngjes qiell, mirëmëngjes diell, mirëmëngjes pranverë.

Ejani t’iu tregoj të dashurën time.

Mirëmëngjes lumturi.

Edhe kur të vdesim e dashur, nuk do kemi vdekur.

Përderisa njerëzit do vështrojnë të njëjtin yll që vështruam

përderisa do këndojnë këngën që deshëm 

përderisa do frymojnë në botën që ti dhe unë ëndërruam

atëherë, e dashur, do jemi më të gjallë se çdo tjetër herë.

Përktheu: Eleana Zhako

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Letërsi

BOLERO-JULIO COTZÁR

BOLERO-JULIO CORTÁZAR Argjentinë, 1914 – 198 Çfarë kotësie të imagjinosh se mund

Katia-Anita Zela

Anita Zela Emrin e Katias ma tregoi shitësja e panineve në atë

Kancer-Janis Ricos

Kancer-Janis Ricos   Dhe papritmas gjithçka u bë e largët – trajtat,
Go to Top