PIKTURA “PASQYRA FALLCO”, 1928 e RENE MAGRITTE-s

in Pikturë by

RENE MAGRITTE

Një ftesë për ta parë botën ndryshe!

Ky imazh e shkund shikuesin, duke e hequr syrin nga konteksti i zakonshëm, duke e prezantuar atë pa fytyrën të cilës i përket. Ajo përçan më tej pritshmëritë tona, duke vendour një qiell rrethor brenda formës rrethore të zakonshme të hapjes së syrit.

Ndonjëherë i quajtur si realizëm magjik, një ballafaqim i tillë i objekteve, të cilat, normalisht nuk kanë asnjë lidhje brenda një konteksti të papajtueshëm, është karakteristike për shumicën e krijmtarisë së Magritte-s. Për Magritte-n dhe Surrealistët që punonin në mënyrë të ngjashme, këto kombinime surprizuese, madje edhe të çuditshme, konsideroheshin produkte të mendjes së tyre të pavetëdijshme. Duke i vizualizuar ato, artistët besonin se ata mund të preknin edhe mendjet e pavetëdijshme të shikuesve të tjerë.

Shumë nga kolegët Surrealistë të Magritte-s, duke përfshirë edhe May Ray-n, Salvador Dali-në dhe Max Ernst-in, i përdorën sytë si një motiv në artin e tyre. Në veprat e tyre, si në sytë e Magritte-s, që minojnë supozimet tona bazike, ato rikontekstualizohen, shumëfishohen dhe mësyhen; me raste ato madje qajnë edhe me lot prej xhami. Surrealistët i përdorën këto imazhe për të shqetësuar shikuesit, për të trubulluar qëndrimet e tyre të vetëkënaqësisë për artin dhe jetën. Duke e zëvendësuar irisin e syrit me një qiell të mbushur me re, në pikturën “Pasqyra Fallco”, Magritte na sfidon që të vëmë në pikëpyetje atë që shikojmë dhe atë që ne mendojmë se dimë. A është qielli reflektim i asaj që po shikon syri? A është syri, në fakt, një hapje ndaj në realiteti tjetër? A mos po shikojmë ne një vizion të brendshëm apo diçka tërësisht tjetër?

Një gjë është e sigurt: “Pasqyra Fallco” e Magritte-s është një ftesë për ta parë botën ndryshe.

Përzgjodhi dhe përktheu: Enkeleda Suti

Leave a Reply

Your email address will not be published.

*

This site uses Akismet to reduce spam. Learn how your comment data is processed.

Latest from Pikturë

GJENIU SALVADOR DALI

SALVADOR DALI Dali nuk rresht kurrë së na magjepsuri! Dali ishte mjeshtër
Go to Top